Ish-truproja e Berishës, Agron Kuliçi i është përgjigjur akuzave të Bashës se ai ka marrë në telefon deputetët demokratë duke i kërcënuar të mos marrin pjesë në mbledhjen e Këshillit Kombëtar të Partisë Demokratike. Kuliçi ka hedhur poshtë këto akuza të atij që ai i referohet si deputeti Basha, duke i cilësuar si trillime, teksa fton deputetët të bëjnë publike komunikimet me të.
“Hedh poshtë me neveri shpifjet dhe trillimet rreth personit tim nga deputeti Basha. As kam kërcënuar e as komunikuar me asnjë deputet, dhe ftoj çdo deputet të bëj publike komunikimet.”
Ai shprehet se përdorimi i emrit të tij nuk mund të shpëtojë Bashën për të rifituar besimin e demokratëve.
“Mbas 8 vitesh në opozit Basha ka humbur besimin e demokratëve, perdorimi i emrit tim as nuk e ndihmon e shpëton”, ka thënë Kuliçi
Kryedemokrati Lulzim Basha e akuzoi Kuliçin se ka kërcënuar deputetët e PD-së që të mos jenë prezent në Kuvendin Kombëtar të PD-së në 18 dhjetor.
“Do marrim të gjitha hapat e nevojshme në kohën e duhur. Kur Kuliçi kërcënon 5 herë një deputet për të mos shkuar në Kuvendin e 18 dhjetorit, këto akte janë të dokumentuara, prandaj ne do vendosim të ndajmë shapin nga sheqeri, kush janë njerëz që kanë humbur busullën përkohësisht, kush i bashkohet një personi non grata…”, tha Basha.
Discussion about this post