Eksperti i sigurisë, Ilir Kulla, u shpreh se arrestimin e Vangjush Dakos nga SPAK e ka marrë vesh nga nëna e tij, duke theksuar se i gjithë Durrësi e dinte që do të ndodhte.
Kulla tha se kjo nuk është serioze, është një rrjedhje e tmerrshme informacioni nga SPAK.
“Çfarë kuptimi ka që ta dijë një qytet i tërë se do të arrestohet njëri apo tjetri? Kjo është mungesë serioziteti”, tha Kulla.
Ai paralajmëroi gjithashtu se SPAK do të godasë cilindo që ka lënë gjurmë, që ka firmosur në kundërshtim me ligjin.
“Do jetë e vështirë të ndalet si proces. Adriatik Llalla është dënuar për një vepër penale që dikur dënoheshe me gjobë.
Në rastin konkret të Vangjush Dakos akuza e shpërdorimit të detyrës nis nga a te zh, ndaj dhe duhet parë se çfarë do të nxjerrin hetimet”, tha Kulla.
Duke rrëfyer një bisedë të Edi Ramës me një të huaj, Kulla u shpreh “para 10 vitesh Rama ka thënë se do të jem lideri i fundit i tranzicionit dhe së dyti e di që kjo reformë në drejtësi do të godasë edhe partinë time, por nuk kam se çfarë të bëj, është e vetmja rrugë që Shqipëria të hyjë në BE”.
Discussion about this post