Ish-kryeministri Sali Berisha i është përgjigjur akuzave lidhur me ndërtimin e kullës në qendër të Tiranës.
I pyetur se në lidhje me këtë është përfshirë edhe një biznesmen që ka financuar Foltoren, Berisha tha se nuk është aspak e vërtetë duke shtuar se gjitha kjo po bëhet për të hequr vëmendjen nga afera e inceneratorëve.
I pyetur nga gazetarët në lidhje me kulla në pranë Pallatit të Kulturës, se një nga pronarët ka financuar Foltoren, Sali Berisha u përgjigj menjëherë se e gjitha është një shpifje.
“Shpifje! Shpifje nga kuzhina Fuga-Veliaj. E gjithë përpjekja është të krijojë një zhurmë për të shuar flakët e djegësit të Tiranës që nuk ekzistojnë.
Gjatë qeverisjes së PD, Sali Berisha nuk ka dhënë asnjë leje për asnjë kullë. Plani që ka miratuar Këshilli Kombëtar ka qenë për ndërtimin e ndërtesave 6-8 kate në të gjithë territorin e Tiranës. Janë shpifarakë të mjerë.
Duhet të bëhesh shpifës i kalibrit të Ymer Bazes apo Bolinos që të nxjerrësh shpifje të tilla.”, u shpreh Berisha.
Discussion about this post