Sekretari i Përgjithshëm i Partisë Demokratike, Gazment Bardhi i ka dërguar një kërkesë për informacion Bashkisë së Tiranës, ku i ka drejtuar katër pyetje në lidhje me projektin “Four Freedoms Park”, ku parashikohej ndërtimi i tre kullave, pikërisht në territorin ku ndodhet selia Partisë Demokratike.
Bardhi i ka kërkuar bashkisë ti vihet në dispozicion një informacion i plotë dhe i detajuar në lidhje me këtë projekt-ide, të bërë publike nga mediat pak ditë më parë, ku përfshihet:
1. Kur është dorëzuar zyrtarisht projekti “Four Freedoms Park” pranë Bashkisë Tiranë, dhe kush kanë qenë propozuesit/financuesit e këtij projekti? A ka pasur gjatë ditëve të fundit një përpjekje nga propozuesit e projektit apo persona të tjerë për riaktivizimin e këtij projekti
2. Cila ka qenë procedura e ndjekur nga Bashkia Tiranë lidhur me trajtimin e këtij projekti? A ka pasur një prezantim të këtij projekti pranë zyrave të Bashkisë Tiranë? Nëse po, kush kanë qenë pjesëmarrësit privatë dhe institucionalë gjatë këtij prezantimi? Kujt i është njoftuar ky projekt deri më tani
3. A ka pasur një vendimmarrje lidhur me këtë projekt? Nëse po, ju lutem të na vini në dispozicion aktet përkatëse, duke na sqaruar edhe cili është statusi aktual i këtij projekti dhe nëse sipas rregullave në fuqi të planifikimit të territorit a lejohet ndërtimi në zonën e propozuar?
Ndër të tjera, PD i kërkon Bashkisë praktikën e plotë shkresore që disponon lidhur me projektin “Four Freedoms Park”, nga momenti i dorëzimit të tij deri në datën e marrjes së kësaj kërkese.
Discussion about this post