Edvin Kulluri, një prej Sekretarëve në partinë që drejtohet nga Lulzim Basha, ka atakuar Gazment Bardhin, lidhur me deklaratat e tij, se ka diskutuar me europianë dhe amerikanë, lidhur me bashkimin e opozitës.
Kulluri shprehet se Bardhi ka gënjyer, pasi Ambasada e SHBA në një reagim të saj thotë se duhet të kihet kujdes kur bashkëpunohet me “non grata-t” pasi SHBA nuk ka ndryshuar asnjë qëndrim në raport me ta.
“Zoti Bardhi për mendimin tim ka gënjyer, kur ka thënë se Shtetet e Bashkuara të Amerikës janë më të interesuar për një opozitë të bashkuar se sa çështja e non-gratës.
Unë bëra një pyetje: Cilët amerikanë ka takuar zoti Bardhi se më rezulton, që nuk ka takuar asnjë amerikan në lidhje me këtë çështje.
Ai mund të ketë takuar ndonjë turist amerikan në sheshin Skënderbej apo në plazh, por kjo është tjetër çështje”, tha Kulluri në Euroneës Albania.
Discussion about this post