Anëtari i Këshillit Kombëtar të PD, Edvin Kulluri, tha në një intervistë për Euronews Albania se debati mes Gazment Bardhit dhe Lulzim Bashës ishte me ngarkesë emocionale të lartë se ajo që luhet është shumë e rëndësishme nëse vula do shkojë te Sali Berisha apo do qëndrojë tek PD zyrtare.
Kulluri u shpreh se vula do qëndrojë në PD zyrtare derisa gjykata të legjitimojë Kuvendin e 11 dhjetorit.
Sipas tij, tentativa e Bardhit për të çuar deputetët te Foltorja do dështojë pasi përplasja Basha-Berisha është një përplasje Berisha-SHBA.
“Të drejtat e përfaqësimit zyrtar i ka kreu i institucionit, por autoriteti delegohet. Partia regjistrohet në gjykatë në emër të kryetarit, ai njihet nga ligji, e mbani mend diskutimin e Celibashit me Alibeajn.
Funksioni i kryetarit është i padelegueshëm, ndërsa kompetencë të deleguar ti mund të japësh, por nuk jep dot thelbin”, tha Kulluri, i pyetur se nga çfarë u nis për të mbështetur më shumë Bashën se Berishën në konfliktin brenda PD.
Kulluri do të jetë një nga anëtarët e Këshillit të ri Kombëtar të PD-së që drejtohet nga Lulzim Basha, ndërsa më herët ai ishte një prej kritikëve më të ashpër të Bashës. Kulluri ka kandiduar edhe më herët për të qenë pjesë e Këshillit Kombëtar të Rithemelimit, që drejtohet nga Sali Berisha, por nuk u përfshi në listat e fituesve.
Discussion about this post