Teksa vendi zien nga protestat kundër krizës dhe rritjes së çmimeve, ajo që zgjedh të bëjë kryeministri Rama është të udhëtojë sa në një vend në tjetrin duke shmangur revoltën e qytetarëve. Ai ka folur sot në panelin “Rrugët Rajonale dhe Globale për Paqe dhe Prosperitet” në Turqi për racizmin ndaj nigerianëve në kufirin e Ukrainës dhe vaksinimin në shtetet e Afrikës.
Rama u shpreh se Shqipëria u ka shkruar autoriteteve nigeriane se vendi ynë është i gatshëm të presë nigerianët që nuk po lejohen të kalojnë kufirin e Ukrainës. Ndërkohë, ai e cilësoi racizëm faktin se në vendet afrikane është vaksinuar vetëm 10% e popullsisë.
“Ne jetojmë në kohëra kur të jesh politikan dhe të thuash gjëra, njerëzit do të tregohen dyshues. Jemi në kohë ku edhe ajo ç’ka është e dukshme, është bërë e vështirë të pranohet si e tillë, ku përballemi me pasojat e para të luftës. Kjo është luftë, nuk është film, është luftë e vërtetë. Ndërkohë që po flasim për këtë, ka mijëra gra e fëmijë janë në lëvizje për të dalë nga vendi i tyre dhe ka burra e djem që duhet të luftojnë dhe të vënë jetën e tyre në rrezik. NATO ka vendosur të jetë pjesë e kësaj. Edhe vende të tjera janë bashkuar me sanksione. Bashkë me luftën, kemi edhe krizën e energjisë, dhe simptomat e krizës energjitike nisën muaj para luftës. Përfshirja e Rusisë si agresor në luftë, e çoi në tjetër nivel krizën”, është shprehur ai.
Discussion about this post