Në kulmin e tensioneve me shtetet baltike, Rusia ka lëvizur raketa të afta për të gjuajtur koka bërthamore në afërsi të kufirit të saj me Finlandën pas kërkesës së kësaj të fundit për t’u bashkuar me NATO-n. Një flotë prej më shumë se një duzinë automjetesh ushtarake u zhvendos në një autostradë, duke përfshirë shtatë automjete që mendohet se mbajnë raketa Iskander, tregon një video e shpërndarë nga Reuters të hënën.
Ata u dërguan në Vyborg, një qytet rus në kufirin finlandez, sapo presidenti i Finlandës tha se ata po i bashkoheshin NATO-s, tha transmetuesi i paidentifikuar i i videos. Duket se një njësi e re ushtarake do të formohet në Vyborg ose në rajon, tha ai. Raketat balistike me rreze të shkurtër tashmë mendohet se janë përdorur gjerësisht nga Rusia dhe dihet se janë gati për të gjuajtur koka bërthamore.
Një oficer i lartë i Forcave Ajrore të SHBA-së që punon për armët bërthamore tha se komuniteti i inteligjencës e sheh Iskanderin si kërcënimin më serioz.
Videoja u shfaq disa ditë pasi një nga aleatët më të ngushtë të presidentit rus Vladimir Putin paralajmëroi NATO-n se Rusia do të vendoste armë bërthamore dhe raketa hipersonike nëse Finlanda do t’i bashkohej aleancës ushtarake të udhëhequr nga SHBA.
Kështu tha Dmitry Medvedev, nënkryetar i Këshillit të Sigurimit të Rusisë. Bashkimi do t’i jepte fund “statusit pa armë bërthamor për Balltikun”.
Discussion about this post