Forcat e policisë në komisariatin numër 4 në Tiranë, kanë finalizuar një operacion anti-drogë në Zall-Bastar. Në pranga ka rënë një 47-vjeçar, i cili në bashkëpunim me nipin e tij, kishin kultivuar një sasi kanabisi.
Në pranga kanë përfunduar personat, Ferid Dedej, 47 vjeç, banues në fshatin Qafmollë të Njesisë Administrative Dajt Tiranë. Dedej, 17 vjeç, banues në fshatin Qafmollë të Njësisë Administrative Dajt Tiranë dhe Abaz Gjediku, 53 vjeç, banues në Shëngjin i Vogël njësia Administrative Zallbastar, me detyrë kryetar (kryeplak) i fshatit, për veprën penale “shpërdorim detyre”.
Ndalimi i Ferid Dedej, u bë pasi në bashkëpunim me nipin e tij të mitur A.D, të cilin e ka shtyrë në krim, në vendin e quajtur “Shëngjini Vogël Zallbastar, janë autorët e kultivimit të një sasie të bimëve të dyshuar narkotike të llojit “Canabis Cativa”, me lartësi deri në 1.5 metër, nga të cilat u asgjësuan, në vendin e ngjarjes, me anë të djegies.
Gjatë kontrollit të banesës së Ferid Dedej, janë gjetur dhe sekuestruar në cilësinë e provës materiale 3 radio marrëse dhënëse, që përdoreshin nga autorët gjatë kohës që shërbenin në parcele. 1 armë e ftohtë thikë, 4 telefona celularë, disa veshje që janë përdorur për t’u kujdesur për bimët narkotike .
Materialet iu referuan Prokurorisë Pranë Gjykatës së Shkallës së Parë Tirane, për veprime të mëtejshme.
