Arrestohet punonjësi i OSHEE dhe një i ri në Lezhë pasi kultivonin kanabis. Burimet bëjnë më dije se, gjatë operacionit policor antikanabis të koduar “Trinomi” u bë arrestimi në flagrancë i shtetasit Dean Gega, 28 vjeç, si dhe u bë shpallja në kërkim e shtetasit Ylli Pali, 24 vjeç. Gjithashtu është arrestuar në flagrancë, për veprën penale “Shpërdorimi i detyrës”, shtetasi Xhovani Ndreca, 53 vjeç, me detyrë faturist pranë OSHEE Kurbin.
Më tutje, tregohet se policia zbuloi katin e parë të një banese, të përshtatur si laborator që shërbente për kultivimin e bimëve narkotike, nëpërmjet ngrohjes me llamba, si dhe një sasi lënde narkotike. Gjithashtu, në këtë banesë evidentohet lidhje e paligjshme e energjisë elektrike, si dhe ndërtimi pa leje i një dhome shtesë. Sekuestrohen lëndë narkotike dhe bimë narkotike të kultivuara në vazo, pajisje të ndryshme elektrike dhe sende të tjera që shërbenin për kultivimin e bimëve narkotike. Gjatë kontrollit në këtë ambient u gjetën dhe u sekuestruan 271 bimë të dyshuara narkotike cannabis sativa të kultivuara në vazo, 2 kilogramë e 500 gramë lëndë e dyshuar narkotike cannabis sativa, pajisje elektrike, llamba elektrike termale, lëndë ushqyese për kultivimin e bimëve narkotike etj.
Discussion about this post