E ardhmja e mbrojtësit të Kombëtares shqiptare, Marash Kumbullës është në një pikëpyetje të madhe që pas mbërritjes së trajnerit Jose Mourinho te Roma.
Në fillim u duk se tekniku portugez e shpalli ‘non-grata’ talentin ‘kuqezi’, megjithatë më pas gjakrat u ulën pak edhe pse ende është e dukur antipatia që ai ka ndaj Kumbullës.
Së fundmi mediat pranë klubit të Inter në Itali po raportojnë se gjatë merkatos së janarit do të ndodhë një shkëmbim lojtarësh me klubin e Romës.
Mediat italiane raportojnë se Marash Kumbulla mund të shkojë te ‘zikaltërit’ dhe nga ana tjetër Dumfries do të kalojë te Roma. Klubi i Inter ka shprehur pëlqimin për shqiptarin që në kohën kur ky i fundit luante me Veronën dhe do të shërbente për të zëvendësuar Skriniar./K.T/Gijotina.com
Discussion about this post