Marash Kumbulla, mbrojtësi i kombëtares shqiptare, duket se ka lënë pas dëmtimin dhe rikuperimi ka shkuar në mënyrën e duhur. Tashmë Jose Mourinho mund të ketë në dispozicion 23-vjeçarin për dy duele tepër të rëndësishme.
Duke iu referuar mediave italiane, Kumbulla mund të jetë i grumbulluar për ndeshjen e radhës në kampionat ndaj Napolit.
Mundësia për minuta në këtë sfidë konsiderohen e pamundur, ndërsa për Kumbullën mund të ketë hapësira në ndeshjen e fundit të vitit kundër Juventusit më 30 Dhjetor.
Rikthimi i Kumbullas do t’i japë Mourinhos më shumë opsione në mbrojtje, duke pasur parasysh mungesat e Ndicka dhe Chris Smalling, në përballje tepër të rëndësishme në kalendarin e Serie A.
Kumbulla u dëmtua në prillin e këtij viti, pas një përplasje me sulmuesin e Milanit. Në sezonin e shkuar, mbrojtësi i kombëtares sonë luajti në 12 takime për Romën, duke qënë vendimtar me 1 gol, shënuar në Europa League.
Discussion about this post