Marash Kumbulla ishte një nga blerjet e bujshme të Romës në verën e vitit 2020. Italianët shpenzuan gati 27 milionë euro për mbrojtësin shqiptar, i cili pasi shumë hapësira vitin e parë.
Por ardhja e Jose Murinhos si trajner e ndryshoi situatën dhe Kumbulla nuk është aktivizuar rregullisht.
Shkodranit nuk po i pëlqen aspak kjo gjë dhe ka menduar edhe largminin në merkaton e janarit. Drejtuesit e klubit dhe Mourinho janë të gatshëm ta lejojnë mbrojtësin të largohet në formën e huazimit, që të ketë më shumë minuta në këmbë.
Ekipi që ka shprehur interesim për Kumbullën është Torino. Trajneri Ivan Juriç e njeh mirë mbrojtësin, duke qenë se ka punuar me të te Verona dhe do që ta ketë sërish nën drejtimin e tij.
Sipas mediave italiane huazimi pritet të mbyllet gjatë merkatos së dimrit dhe në Torino Kumbulla do iu bashkohet dy shqiptarëve të tjerë, portierit Etrit Berisha dhe mbrojtësit Mërgim Vojvoda.
Discussion about this post