Bashkëshortja e kryebashkiakut të Tiranës, Erion Veliaj, ka kundështuar në Gjykatën e Posaçme vendimin gjyqësor të 14 janarit, që lejoi kontrollin e SPAK në një apartament pranë qendrës “Harabel”, kontroll për llogari të hetimit të nisur ndaj kreut të bashkisë dhe familjarëve të tij.
Burime pranë Gjykatës së Posaçme bënë me dije për A2 CNN se përmes avokatëve të saj, Ajola Xoxa, ka depozituar një ankim kundër vendimit të gjykatës, duke e konsideruar atë si në shkelje të ligjit. Ankimi është depozituar në Shkallën e Parë, ndërkohë që vendimi i gjykatë së Posaçme “për lejimin e kontrollit” në pikën 4 të dispozitivit thekson se “kundër këtij vendimi nuk lejohet ankim”.
Vendimi në fjalë lejoi kontroll në apartamentin më numër11/4 në një nga kullat në zonën e ish-bllokut në kryeqytet, një kat mbi zyrat e “Partnerts Laë”, shoqëri konsulencës ligjore e administruar nga bashkëshortja e Veliajt, Ajola Xoxa.
Kontrolli i apartamentit është kërkuar nga prokurorët Altin Dumani e Olsi Dado, pas dyshimeve se zotërohej dhe ishte në përdorim nga familjarët e kryebashkiakut. Gjykata lejonte që kontrolli të bëhej me qëllim zbulimin, administrimin dhe sekuestrimin e provave që kanë lidhje me veprën penale duke përfshirë prova dokumentare dhe elektronike, pajisje elektronike, celularë, laptop apo kompjuter personal.
Hetimi i SPAK ndaj kryebashkiakut Veliaj dhe familjarëve të tij është regjistruar për veprat penale të “korrupsionit aktiv dhe pasiv të funksionarëve të lartë ose të zgjedhurve vendorë”, “pastrim të parave” dhe “fshehje të pasurisë”, por ende nuk ka të regjistruar emra të personave nën hetim.
Discussion about this post