Emigrantët shqiptarë që udhëtojnë në mënyrë të paligjshme në Britaninë e Madhe vijojnë të jenë në qendër të debateve publike mes politikanëve të dy vendeve. Të indinjuar etiketimet fyese, emigrantët shqiptarë që jetojnë në Angli kanë paralajmëruar sot një protestë në kryeqytetin e Mbretërisë së Bashkuar, në “Westminster Bridge”.
“Protestë kundër poshtërimit të shqiptarëve në Britani”, shkruhet në posterin e shpërndarë në rrjetet sociale.
Lexo edhe “Kundër poshtërimit”, shqiptarët në Angli njoftojnë protestë masive
Çështja e emigrantëve shqiptarë ka nxehur tonet e politikës angleze dhe asaj shqiptare. Ka qenë kryeministri Edi Rama, i cili ka dënuar publikisht gjuhën e përdorur të politikanes britanike Suella Braverman kundër emigrantëve shqiptarë.
Shefi i qeverisë u bëri thirrje autoriteteve britanike të mos diskriminojnë shqiptarët pasi sipas Ramës, ky komunitet është integruar plotësisht dhe kontribuon në ekonominë angleze duke paguar taksa.
Mediat angleze prej ditësh mbajnë në faqet e para çështjen e emigrantëve shqiptarë, ku thonë se rritja e numrit të të rinjve që mbërrijnë në Angli lidhet drejtpërdrejt me gjendjen e vështirë ku ndodhet Shqipëria për shkak të keqqeverisjes dhe nivelit të lartë të korrupsionit.
Rreth 40 mijë emigrantë kanë hyrë në mënyrë të paligjshme në Angli, mes tyre 12 mijë shqiptarë. Shumica prej tyre sipas autoriteteve britanike janë meshkuj dhe në gjendje të mirë fizike. Por ata nuk janë të mirëpritur në Britaninë e Madhe dhe kërkesat e tyre për azil cilësohen si të pajustifikueshme.
Shumica e shqiptarëve që largohen drejt Britanisë nisen nga Tirana ose Prishtina për të shkuar në Francë nga ku nisen me gomone nga Kanali i La Manshit dhe më pas zbarkojnë në Durkin. Trafiku sipas mediave britanike zhvillohet nga kontrabandistët kurdë dhe kalimi kushton deri në 12 mijë paund.
Discussion about this post