Kandidati socialist për bashkinë e Himarës, Jorgo Goro ka votuar në një prej qendrave të votimit. Nga atje ai ka bërë një deklaratë ku iu kërkon qytetarëve të votojnë masivisht. Ndërsa ka mohuar deklaratat e Vangjel Dules.
Ky i fundit në një deklaratë për mediat pas arrestimit të Fredi Belerit, ka akuzuar Goron se ka gisht në këtë çështje.
“Pas një jave delirumi, gjuhë urrejtje, përçarjeje dhe stigmatizimi të kryeministrit Rama kundër kandidatit të ‘Bashkë Fitojmë’ në Himarë, me urdhër të tij forcat policore rrëmbyen në qendër të qytetit dhe shoqëruan për në komisariat z. Beleri dhe avokatin e tij. Ata sapo kishin dalë nga një darkë”, ka deklaruar Dule. Por, Goro thotë se policia ka bërë detyrën e saj.
Discussion about this post