Ka përfunduar pak më parë protesta e thirrur nga Partia Socialdemokrate e Kosovës, kundër shtrenjtimit të energjisë elektrike. Ndryshe nga se u tha kjo protestë nuk ka qenë aspak paqësore. Pasi ndërsa disa qytetarë janë përplasur me Policinë e Kosovës. Anëtarë të PSD-së kanë tentuar të mbajnë fjalimin para shkallëve të ndërtesës së Qeverisë, çka solli edhe përplasje mes Policisë dhe protestuesve.
Protestuesit mbanin pankarta “Krejt rroga në rrymë”, “Krejt dhe shtrenjtë”, “Me popull dhe rrymë nuk luhet se djegësh”. Protestuesit kanë në hyrje të ndërtesës së Qeverisë së Kosovës, ku kanë tentuar të futen brenda. Anëtari i PSD-së, Nol Nushi pak sekonda para se të fillonte konfrontimi me pjesëtarët e Policisë së Kosovës u ka kërkuar atyre t’u lejonin të qëndronin në shkallët e ndërtesës së Qeverisë.
Protestuesit kanë hedhur në mënyrë simbolike poça elektrik e qirinj në drejtim të ndërtesës së Qeverisë së Kosovës. Kjo u bë pas thirrjes së organizatorit, kryetarit të PSD-së, Dardan Molliqaj në përfundim të protestës, i cili paralajmëroi se do të ketë protesta më të ashpra nëse qeveria nuk dëgjon fjalën e tyre.
“Propozimi i ZRrE-së duhet të hidhet poshtë. Ai propozim nuk ka me kalu, sa të ka qytetarë aktiv. Nuk do të lejojmë që të kaloj. Ne nuk ndalemi, ju duhet të ndaleni ju duhet ta ktheni atë vendim mbrapa. Derisa ju nuk do të ndaleni ne do të jemi edhe më të guximshëm edhe më të fuqishëm. I ftojë qytetarët që në mënyrë simbolike që t’i japim poça e qirinj kësaj Qeverie që po na jep terr në vend të dritës”, tha Molliqaj. Protestuesit, janë shprehur se nuk do lejojnë rritjen e energjisë as edhe me 1 cent.
Discussion about this post