Policia në Sarandë ka arrestuar dy vëllezër, Gentjan dhe Nevil Papagjika. Vëllezërit akuzohen se kanë goditur një roje private, si dhe kanë kundërshtuar me forcë punonjësit e policisë.
“Kundërshtuan punonjësit e Policisë dhe i penguan ata për kryerjen e detyrës, vihen në pranga 2 shtetas (vëllezër), njëri prej tyre i shpallur në kërkim.
Shërbimet e Komisariatit të Policisë Sarandë kanë arrestuar në flagrancë shtetasit G. P., 43 vjeç dhe N. P., 35 vjeç, të dy banues në Sarandë.
Gjatë shoqërimit të shtetasit G. P., i cili ishte shpallur në kërkim policor pasi ka goditur punonjësit e një shoqërie private për sigurinë, në Kakome, shërbimet e Policisë janë kundërshtuar dhe janë penguar për kryerjen e detyrës, nga 43-vjeçari dhe nga vëllai i tij, shtetasi N. P.
Materialet procedurale i kaluan Prokurorisë së Sarandës, për veprime të mëtejshme”, njofton policia.
Discussion about this post