Liverpool u mund 4:0 ne Etihad Stadium, duke u eliminuar ne cerekfinalen e FA Cup nga City. Nje rezultat qe vjen si pasoje e renies se lire te ekipit kete sezon. Nga ana tjeter Erling Haaland shkëlqeu me një tripletë të jashtëzakonshme.
Ekipi i Pep Guardiola shënoi katër gola brenda vetëm 18 minutave magjepsëse, dy para dhe dy pas pjesës së parë, duke vendosur ndeshjen në kontroll të plotë. Tre nga golat u shënuan nga Haaland, i cili duket se ka një lidhje të veçantë me Liverpoolin, pasi ka shënuar në të gjitha katër ndeshjet ndaj tyre në Etihad.
Për trajnerin e Liverpool, Arne Slot, situata bëhet gjithnjë e më e vështirë. Presioni mbi holandezin është i madh, teksa skuadra përgatitet për sfidën e Ligës së Kampionëve ndaj PSG-së.
Per hir te se vertetes, ndeshja po kontrollohej nga Liverpool deri ne momentin kur City mori nje penallti te diskutueshme.
Haaland shënoi penalltinë e parë me qetësi, duke mos i lënë asnjë mundësi portierit Radu Mamardashvili. Pak para fundit të pjesës së parë, një kombinim i bukur në të djathtën përfundoi me golin e Semenyo, i ndihmuar nga asistimi i Rayan Cherki.
Në pjesën e dytë, Cherki përsëri gjeti Semenyo për golin e katërt, duke vulosur rezultatin dhe duke bërë që humbja e Liverpool të dukej e pashmangshme. Haaland shënoi edhe golin e tretë personal, duke arritur në 46 gola këtë sezon për klubin dhe kombëtaren.
Liverpool nuk mundi të reagonte, edhe pse humbi nje penallti nga Salah. Me këtë fitore, City vazhdon rrugëtimin drejt Wembleyt për një tjetër finale të FA Cup, ndërsa Liverpooli duhet të mendojë për rikthimin e formës para sfidës në Ligën e Kampionëve.
gijotina.com/
Discussion about this post