Koloneli Mamadi Doumbouya, ish-legjionar i ushtrisë franceze dhe president i përkohshëm i Guinesë që nga 1 tetori, pasi udhëhoqi grushtin e shtetit kundër Alpha Conde ditë më parë ka ‘kërcënuar’ ekipin kombëtar që të fitojë me patjetër Kupë e Afrikës.
Për të nxituar futbollistët për të fituar kampionatin, që fillon më 9 janar në Kamerun, ai tha: “Fitoni kupën ose do të na ktheni të gjitha paratë që kemi investuar për ju”.
Gjatë një ceremonie madhështore në pallatin ‘Mohamed V’ në Conakry, kryeqyteti i Guinesë, ai donte të stimulonte lojtarët që niseshin për në Yaounde, me një mesazh paksa frikësues. Sapo mori pushtetin ai mori në dorë edhe kombëtaren, të cilës i shkarkoi trajnerin francez Didier Six dhe ia besoi drejtimin një ish-lojtari vendas, Kaba Diawara.
“Nëpërmjet jush duhet të ndjejmë madhështinë e popullit të Guinesë, të rizbulojmë dinjitetin dhe guximin e këtij populli. Ju besoj trengjyrëshin kombëtar në këtë ditë solemne, përpiquni ta nderoni, ta ngrini shumë lart,”- tha presidenti.
Po të kthehemi pas në vitin 1974, në kohën e Mobutu Sese Seko, diktatorit të atëhershëm të Zaires, ai kërcënoi me vdekje kombëtaren e tij në Kupën e Botës në Gjermani, nëse do të humbte më shumë se 3-0 nga Brazili./K.T/Gijotina.com
Discussion about this post