Senegali është skuadra e parë që prek Kupën e Afrikës pasi ka mposhtur me shifrat 3-1 ndaj Burkina Fasos dhe tani pret duelin mes Egjiptit dhe Kamerunit, për të mësuar ekipin rival për trofeun.
Pas një pjese të parë “shterpë”, në të dytën skuadrat u hodhën me gjithçka që kishin. Diallo në minutë 70’ dhe Gueye në 76’ shënuan për Senegalin. Këta të fundit nuk u dorëzuan dhe e hapën ndeshjen me golin e Toure në minutën e 82’.
Pesë minuta zgjati shpresa për ta, pasi Sadio Mane shënoi edhe golin e tretë për Senegalin që nisi festën e kalimit në finalet e Kupës së Afrikës. Gjysmëfinalja tjetër luhet nesër prej orës 20:00. Kameruni, që e ka fituar 5 herë Kupën e Afrikës, përballet me rekordmenët e këtij kompeticioni, pasi Egjipti e ka ngritur këtë trofe 7 herë.
Discussion about this post