Sot në 03.00 do të zhvillohet sfida e dytë e vlefshme për çerekfinalet e Kupës së Amerikës ndërmjet Venezuelës dhe Kanadasë në “ATT Stadium” të Texasit.
“La Vinotinto” ka befasuar në grupin B me tre fitore shumë të merituara, ndërsa rivalët u renditën poshtë Argjentinës në grupin A.
Sigurisht Kanadaja e Jesse Marsch është një ekip shumë cilësor në përbërje, me lojtarë si Tajon Buchanan i cili aktivizohet në radhët e Interit, Jonathan David, Alphonso Davies dhe Ismael Kone ndër të tjerë, të cilët mund ti vënë në vështirësi të besuarit e Fernando “Bocha” Batistas.
Kanadaja e filloi Kupën e Amerikës me një humbje kundër “Albicelestëve”, më pas befasoi Perunë dhe në fund barazoi me Kilin me rrjeta të paprekura.
Ndërsa amerikano-jugorët natyrisht meritojnë duartrokitje – nën drejtimin e trajnerit argjentinas, i cili ia ka ndryshuar imazhin kësaj kombëtareje.
Në fazën e grupeve Venezuela pësoi vetëm një gol, atë ndaj Ekuadorit dhe shënoi gjashtë, duke treguar superioritet në çdo fazë të lojës, edhe pse e filloi me disavantazhin ndaj “Trikolorëve”.
Ndikimi i Fernando Batistas kuptohet qartazi, por gjithsesi do të jetë një sfidë e shumë luftuar dhe ajo kombëtare e cila do të gabojë më pak do të kalojë në gjysmëfinale.
Sigurisht numri një i stolit është treguar shumë i kujdesshëm edhe në deklaratat për shtyp i cili është i ndërgjegjshëm për rëndësinë e rivalit por beson tek potenciali i nxënësve të tij dhe se kjo Venezuelë ka ende për të treguar në Kupën e Amerikës.
Discussion about this post