Kylian Mbappe dhe Robert Lewandowski janë shprehur të shqetësuar rreth mbajtjes së Kupës së Botës çdo dy vjet, duke thënë se ai kampionat do të humbiste rëndësinë.
Propozimi i FIFA-s për të zhvilluar Kupën e Botës çdo dy vjet dhe jo katër siç është aktualisht nuk është pëlqyer nga dy yjet e futbollit.
Sipas francezit Kupa e Botës është shumë e veçantë dhe po të zhvillohej më shpesh nuk do të ishte më e njëjta gjë.
“Kupa e Botës është Kupë e Botës. Është diçka e veçantë sepse mbahet çdo katër vjet. Është gjëja më e mirë, gara më e mirë në botë. Nëse mbahet çdo dy vjet, atëherë fillon të duket normale të luash në Kupën e Botës, dua të them se kjo nuk është normale. Duhet të jetë e mahnitshme”, -u shpreh Mbappe, që fitoi Botërorin 2018 me Francën.
Ndërsa sulmuesi i Bayern Munich dhe Polonisë, Robert Lewandowski, i bëri jehonë komenteve të sulmuesit francez për këtë çështje.
“Ne kemi shumë ndeshje çdo vit, shumë javë të vështira, jo vetëm ndeshjet por edhe përgatitjet për sezonin, përgatitjet për turnet e mëdhenj. Nëse doni të ofroni diçka të veçantë, diçka ndryshe, kemi nevojë për pushim. Nëse e kemi Kupën e Botës çdo dy vjet, atëherë pritet që niveli i lojës së futbollistëve të bjerë. Fizikisht dhe mendërisht është e pamundur”,-theksoi polaku./K.T/Gijotina.com
Discussion about this post