Mbrëmjen e djeshme u mbyll faza e grupeve në Kampionatin Botëror të futbollit “Katar 2022”. Ndërkohë sot nis një tjetër pjesë, ajo e eleminimit direkt. Pasi janë mësuar të gjitha çiftet në 1/8 e finales, sot do të luhen dy takimet e para.
Ndeshjet e eleminimit direkt do të zhvillohen në dy orare të ndryshme, nga ora 16:00 dhe nga ora 20:00 me kohën tonë lokale.
Holanda do të përballet me Shtetet e Bashkuara të Amerikës në ndeshjen e parë me fillim nga ora 16:00.
Ndërkohë nga ora 20:00 në aksion do të jetë shtatë herë fituesi i ‘Topit të Artë’, Lionel Messi. Ylli argjentinas me Kombëtaren e tij Argjentinën do të përballet me Australinë.
Discussion about this post