Egnatia, Dinamo dhe Skënderbeu, janë skuadrat e radhës që siguruan kualifikimin për në çerekfinalen e Kupës së Shqipërisë.
Rrogozhinasit fituan me shifrat e thella 4-0 ndaj Kastriotit në shtëpi. Një sfidë pa shumë histori, me golat që u shënuan nga Alijev, Ndreca, Leo Melo dhe Joel.
Kualifikimin me goleadë e siguroi edhe Dinamo, që mposhti 6-1 Erzenin në stadiumin “Elbasan Arena”. Itodo Mandela shkëlqeu në këtë përballje, me një tripletë të realizuar, ndërsa golat e tjerë u shënuan nga Bregu, Nani dhe Lorenco Vila. Autogoli i Hoxhës në pjesën e parë, kishte vetëm vlerë statistikore për Erzenin.
Nuk surprizoi as Skënderbeu që mposhti minimalisht Vorën në stadiumin e Devollit. Korçarët iu falën goli të shënuar nga Rabiu, ndërsa në pjesën e parë shpërdoruan edhe një penallti.
Kujtojmë se të Martën, kualifikimin në çerekfinale e arritën edhe Bylis me Laçin.
Discussion about this post