Kupa e Shqipërisë, Elbasani siguron “biletën” për çerekfinale me një supergol në minutë e 114

Një gol spektakolar i Donart Ibraimit në minutën e 114 të ndeshjes (shtesa), i ka siguruar Elbasanit një biletë për në çerekfinalet e Kupës së Shqipërisë.

Elbasanasit kanë siguruar kualifikimin pas fitores 2-1 përballë Flamurtarit.

Ndeshja ka qenë dramatike dhe me emocione të shumta, teksa vlonjatët u gjunjëzuan në frymën e fundit, kur gjithçka po shkonte te penalltitë.

Ibraimi në vijimin e një goditje këndi, pret topin në kufijtë e zonës dhe me të majtën lëshon një predhë që nuk i lë kohë Kaloshit të reagojë.

Elbasani i bashkohet Dinamos, Tiranës, Bylisit, partizanit dhe Vllaznisë në fazën tjetër të përballjeve, ku do presin dhe shortin.

Goli i Ibrahimit (VIDEO)