Erzeni-Teuta ishte padyshim sfida më interesante e fazës së 1/8 të Kupës së Shqipërisë. Një derbi me rivalitet, i cili nuk zhgënjeu as në turneun e dytë për nga rëndësia në vend.
Dueli përfundoi në barazim 1-1 dhe për ta bërë edhe më interesant mendoi Devid Kapllani. Sulmuesi i transferuar te Erzeni gjatë këtyre ditëve, u bë protagonist absolut.
Fillimisht, ai kaloi shijakasit në avantazh në ndeshjen ku debutoi, por pak sekonda më pas ishte i pafat në devijim, duke shënuar në portën e tij dhe i dha Teutës barazimin.
Në takimet e tjera të kupës, Kukësi u frenua në barazim pa gola në Fier nga Apolonia, teksa Egnatia fitoi vetëm në fund përballë Skënderbeut.
Sfidat e kthimit do të jenë vendimtare për fatin e skuadrave në kompeticionin e dytë për nga rëndësia në futbollin vendas.
Discussion about this post