Në orën 18:00, do të luhen dy ndeshjet e kthimit të vlefshme për gjysmëfinalen e Kupës së Shqipërisë.
Në “Air Albana”, Tirana do të kërkojë që të bëjë mrekullinë, pasi do të tentojnë të përmbysin gjithçka për të shkuar në finalen e madhe.
Në anën tjetër verilindorët vijnë të qetë në këtë sfidë pas fitores në takimin e parë 2-0. Skuadra e Devollit do të synojë të mbrojë rezultatin për të siguruar kualifikimin.
Për këtë sfidë, trajnerët e të dyja skuadrave kanë publikuar edhe formacionet zyrtare.
Tirana-Kukësi – Formacionet
Tirana: Kozi, Lulaj, Hoxhallari, Najdovski, Përgjoni, Jonuzi, Deliu, Lushkja, Haxhiu, Patrik, Nikqi.
Kukësi: Tafas, Lamçe, Reçi, Zhongo, Lleshi, Lala, Mingo, Fejzaj, Hasaj, Salami, Solodovnikov.
Paralelisht, në “Loro Boriçi”, Vllaznia pret skuadrën kryesuese të kampionatit, Egnatian. Rrogozhinasit vijnë të avantazhuar në këtë ndeshje, pas triumfit në sfidën e parë në “Arena Egnatia” me rezultatin minimal 1-0, ndërsa kuqeblutë kanë si synim përmbysjen për të shkuar në finalen e madhe të Kupës së Shqipërisë.
Vllaznia-Egnatia- Formacionet
Vllaznia Qarri, Smajli, Pusi, Juriç, Jago, Krymi, Boshnjaku, Alivoda, Mala, Gruda, Balaj.
Egnatia: Sherri, Dulis, Malota, Ndreca, Fangaj, Aleksi, Rama, Zejnullai, Fernando, Ibrahimoglu, Montenegro.
Discussion about this post