Kjo javë do të jetë shumë e ngjeshur për skuadrat shqiptare me rikthimin e ndeshjeve për Kupën e Shqipërisë.
Sot do të zhvillohen ndeshjet për fazën e 1/8-va të Kupës. Takimet janë lënë në dy orare të ndryshme, shtatë ndeshje janë planifikuar të luhen në orën 14:00, ndërsa pjesa tjetër në orën 16:45. Sfida më interesante dhe që pritet të ketë shumë interes është derbi Dinamo-Tirana, e cila do të zhvillohen në orën 16:45 në stadiumin ‘Air Albania’.
Për grupin A do të ndeshen edhe Besëlidhja-Partizani, Bylis-Skënderbeu dhe Korabi-Teuta. Ndërsa te grupi B kemi sfidat Vllaznia-Pogradeci, Egnatia-Kukësi, Kastrioti-Flamurtari dhe Tomori-Laçi. Takimet e kthimit do të zhvillohen në datën 17 nëntor.
Ndërsa fundjava do të sjellë ndeshjet e Superligës, me Tiranën dhe Dinamon që do të përballen sërish në tre ditë për javën e tetë të kampionatit./K.T/Gijotina.com
![](https://gijotina.com/wp-content/uploads/2021/11/kupa-1.jpg)
Discussion about this post