Kupa e Shqipërisë, mbyllen pjesët e para/ Tirana dhe Vllaznia në avantazh

Janë mbyllur pjesët e para, në dy sfidat e kthimit në gjysmëfinalet e Kupës së Shqipërisë.

Tirana kryeson 1-0 ndaj Kukësit në stadiumin “Air Albania”. Vendos një supergol i Deliut nga goditja e dënimit në minutën e 17-të. Kukësi barazoi në fundin e pjesës së parë me Lamçen, por goli u anulua për prekje me dorë. Me këtë rezultat, në finale do të kualifikoheshin verilindorët, për shkak të fitores 2-0 në ndeshjen e parë.

Me të njëjtin rezultat kryeson edhe Vllaznia ndaj Egnatias, falë golit të Alivodës në minutën e 29-të. Ndeshja e parë u mbyll me avantazhin 1-0 të rrogozhinasve.