Tirana duket se nuk ka patur kohë për humor në takimin gjysmëfinal të Kupës së Shqipërisë përballë Teutës së Durrësit, duke fituar me rezultatin 3-0. Të besuarit e trajnerit Orges Shehi, mund të thuhet se e kanë siguruar që në raund të parë finalen e Air Albanias. Duhet thënë se “Gjigandi i Europës Juglindore” nuk e pati të lehtë rrugën drejt rrjetës, në pjesën e parë. Goli që zhbllokoi gjithçka, erdhi në minutën e 43-të me anë të Hasanit.
Me avantazhin e një goli përfunduan 45 minutat e para të takimit në Elbasan Arena. Në pjesën e dytë, pritej reagimi durrsak por, Tirana ishte e vëmendshme në mbrojtje. Në minutën e 66-të, Lulaj dyfishoi shifrat për kryeqytetasit. Golin e tretë, e shënoi Lushkja. Me këtë rezultat, bardheblutë udhëtojnë me një avantazh të konsiderueshëm, megjithatë në futboll, çdo gjë është e mundur.
Në takimin tjetër të pasdites, të luajtur në Shkodër, Egnatia e Rrogozhinës barazoi ndaj vendasve të Vllaznisë me rezultat 1-1, me golin e shkodranëve që u shënua në momentet e fundit të takimit.
Takimet e kthimit të gjysmëfinaleve të Kupës së Shqipërisë pritet të luhen më datë 11 maj 2023./m.b. /gijotina.com
Discussion about this post