Ditën e sotme do të zhvillohet një pjesë e takimeve të javës së 17 të Seria A dhe në disa prej tyre pritet të kemi edhe praninë e lojtarëve shqiptarë.
Atalanta do të ndeshet në transfertë me Verona-n në orën 15:00, teksa mbrojtësi i Kombëtares ‘Kuqezi’ ashtu si thuajse në çdo takim tjetër pritet të jetë titullar i padiskutuar.
Aktualisht Atalanta renditet në vend të 4 të tabelës së elitës së futbollit italian me 34 pikë, teksa Verona qëndron e 10 me 23 pikë.
Ora 18:00 pritet të sjellë derbi shqiptarësh në këtë kampionat me ndeshjen Napoli-Empoli. Nga vendasit pritet të jetë titullar Amir Rrahmani, teksa te miqtë luajnë tre yje ‘kuqezi’, Nedim Bajrami, që së fundmi është kthyer në vendimtar te Empoli, ndërsa pritet të zbresin në fushë edhe Adrian Ismajli dhe Kristjan Asllani. I favorizuar i këtij derbi në letër është Napoli që renditet i 3 me 36 pikë, ndërsa Empoli është i 11 me 23 pikë.
Po në të njëjtën orë Lazio i Elseid Hysajt dhe Thomas Strakoshës do të ndeshet me Sassuolon, teksa nuk dihet a do u besohen minuta futbollistëve të përfaqësueses sonë. Aktualisht Lazio renditet në vendin e 8 me 25 pikë, teksa kundërshtarët e tyre janë të 12 me 20 pikë.
Ndërsa tashmë është duke u zhvilluar ndeshja mes Torinos së Etrit Berishës dhe Bolognas. Portierit shqiptar nuk iu besua roli i titullarit, ndërsa nuk dihet a do i japin ndonjë minutë aktivizimi.
Aktualisht vendasit janë në vend të 13 me 20 pikë, teksa miqtë janë në vend të 9 me 25 pikë./K.T/Gijotina.com
Discussion about this post