Kur duhet të tërhiqet Berisha? Meta: Kur t’ia kërkojë…

Kreu i Partisë së Lirisë komentoi sot nga studio e News24 zhvillimet në kampin opozitar. Meta nuk ka preferuar të komentojë mbi zgjedhjet e 29 korrikut në atë që njihet si PD e vulës, ndërsa tha se investimi i tij madhor dhe i qarqeve të zeza ndërkombëtare që kanë interes për të shkatërruar opozitarizmin dhe mbështetur një narkoregjim që i shkon pas avazit, sigurisht që investimi ka qenë tek rrëmbimi i vulës së PD si partia kryesore e opozitës.

Fati më i madh i Ramës duket se është përçarja e opozitës?

Mendoj se investimi i tij madhor dhe i qarqeve të zeza ndërkombëtare që kanë interes për të shkatërruar opozitarizmin dhe mbështetur një narkoregjim që i shkon pas avazit, sigurisht që investimi ka qenë tek rrëmbimi i vulës së PD si partia kryesore e opozitës.

Si e shihni ringritjen e opozitës, të afërt? Të largët?

E shoh si pjesë të ringritjes të gjithë shoqërisë. Gjendja në opozitë është katastrofike prej kohësh. Padyshim që kjo nuk do ndodhte pa ato vendime dramatike që ka marrë opozita në të kaluarën. Dhe shoqëria ka marrë goditje të forta gjatë këtyre viteve.

Zgjedhjet e 29 korrikut?              

Do doja të ma kursenit kohën për këtë çështje sepse e dini se çmendoj unë për përgjegjësin kryesor për djegien e mandateve të opozitës dhe personit i cili iu lut presidentit që të shtynte datën e zgjedhjeve se do hynte në zgjedhje, dhe i cili as nuk e regjistroi PD… Çfarë të them tani? Nuk dua të hyj në këto çështje, le të konsiderohet çështje e tjetër kujt…

Çfarë do të thonë nëse Basha do të zgjidhej kryetar i PD?

Nuk kam pasur asnjë dyshim dhe ia kam shprehur dhe Berishës prej kohësh, që vula e PD ishte një objekt i cili u rrëmbye dhe është në dorën e Ramës.

Do duhet që Berisha të sakrifikohet dhe tërhiqet?

Varet se kush e kërkon largimin e tij. Nëse e kërkon dikush që reflekton një dimension opozitarizmi më të fortë se Berisha, nuk ka pas arsye që ta sfidojë në mënyrë demokratike. Nuk dua të hyj në këto çështje sepse janë të demokratëve. Për mua me rëndësi është të mos vijnë përjashtime bazuar mbi paragjykime, sepse mendoj se kjo është një lojë e Edi Ramës.