Një incident ka ndodhur sot në Elbasan, ku shoferi i një prokurori të SPAK ka kërcënuar një shefin e qarkullimit rrugor në qytet, teksa ka qenë me makinën zyrtare të punës.
Behet e ditur se gardisti Mateo Ademi 25 vjeç, i cili është shofer i prokurorit të SPAK Alfred Shehu, kërcënoi shefin e qarkullimit në lidhje me një ngjarje të para disa ditëve.
Bëhet fjalë për një gjobë, që gardisti Mateo Ademi kishte marre në Elbasan kur udhëtonte me makinën e tij private.
Sot, teksa ka qenë me makinën zyrtare të punës, gardisti ndaloi para shefit të qarkullimit rrugor Elbasan dhe e ka kërcënuar.
Në lidhje me këtë ngjarje ka nisur hetimet Agjencia e Mbikëqyrjes Policore, e cila po heton në gjendje të lirë gardistin.
Mateo Ademi është bërë pjesë e Gardës së Republikës dy vite më parë.
Rasti ka ngjallur reagime të forta, pasi bëhet fjalë për një punonjës të Gardës së Republikës, i caktuar në një detyrë delikate pranë një prokurori të SPAK, institucionit më të rëndësishëm në luftën kundër korrupsionit dhe krimit të organizuar.
Ky zhvillim ngre pikëpyetje serioze mbi sjelljen, përgjegjësinë dhe filtrat e kontrollit të personelit që shërben pranë figurave kyçe të drejtësisë shqiptare.
Kjo ndodh gjithmon ne vendin tone, kush eshte me I forti e kush ka krahet e ngrohta nuk pyet per shtet dhe te duket se gjithe punonjesit e institucioneve duhet te te rrine gati tu.
Discussion about this post