Ministrja e Arsimit, Evis Kushi, u është përgjigjur akuzave për rastin e ish nën-kampionit Ilirian Suli, ku një komentues në postimin e sotëm të kryeministrit Edi Rama e pyet kreun e shtetit se “ku ndodhet sot Ilir Suli”.
“O zoti kryeministër na thuaj pak për Ilir Sulin ku ndodhet sot, ti ishe ministër atëherë i braktise”, shkruan një komentues në Facebook.
Ka qenë ministrja Evis Kushi ajo e cila i ka kthyer përgjigje këtij komentuesi, duke thënë se Suli ka kohë që është i punësuar në Ministrinë e Mbrojtjes.
“Duke qenë se kryeministri prej kohësh është tërhequr nga replikat me komentuesit, ndjehem e detyruar të komentoj unë sepse manipulimi i publikut me një video të vjetër të Ilirian Sulit është vërtetë i neveritshëm. Por nga ana tjetër është për të ardhur keq, që ju i besoni një manipulimi dhe jo faktit të paraqitur edhe në informacionin e dhënë më sipër nga kryeministri. Ilirian Suli ka kohë që është i punësuar në Ministrinë e Mbrojtjes”, shkruan ministrja.
Discussion about this post