Nga Klodian Tomorri – Ne cdo pune te mire qe ka bere qeveria, nje merite te pazevendesueshme ka patur zoti Engjell Agaci.
Tek inceneratoret qe pastruan Shqiperine nga plehrat, zoti Agaci pati nje rol kyc ne pershpejtimin e procedurave dhe vajisjen e ingranazhit burokratik, kur lejoi per miratim ne qeveri ate vendimin e koncesionit me negocim te drejteperdrejte.
Madje duke rrezikuar edhe veten, pasi Agjencia e Prokurimeve i kishte thene me shkrese qe negocimi i drejteperdrejte eshte i paligjshem.
Jo vetem kaq, por roli i tij ishte i pazevendesueshem edhe ne nje drejtim tjeter, teksa me pune te palodhur dite e nate mezi i mblodhi dhe i beri gati ato 17 vendimet qe u miratuan per nje dite ne qeveri.
Tek kjo ceshtja e Becchettit po ashtu beri nje pune shume te mire kur shkoi hengri ate dreken dhe i tha Becchettit qe nuk eshte ide e mire t’i besh opozite qeverise.
Ajo dreke demaskoi para shqiptareve fytyren e vertete te Becchettit, edhe pse Gjykata e Arbitrazhit na vuri nje gjobe te vogel 108 milione euro plus interesa dhe kamata.
Por sekretari i pergjithshem i Kryeministrise ka bere pune shume te mira edhe me studiot avokatore qe pajton Shqiperia ne gjyqet e arbitrazheve. Por keto jane merita te vogla, qe nuk i permend njeri.
Ja keshtu. Kur ka vullnet dhe deshire per pune, cdo gje arrihet.
Discussion about this post