Ndërsa kryeministri i Shqipërisë, Edi Rama, mburret me shifrat e vaksinimit në vend, Maqedonia e Veriut bëhet vendi i parë në rajon që certifikata ndaj Covid-19 njihet nga BE.
Lajmi bëhet i ditur nga ministri i Jashtën i Maqedonisë së Veriut, Bujar Osmani i cili përmes një njoftimi në Facebook, shprehet se ky është një lajm i shkëlqyer.
Bujari shkruan se Maqedonia e Veriut “do të jetë e lidhur me sistemin e BE-së dhe se certifikata për Covid-19 e lëshuar nga autoritetet tona do të pranohet në BE nën të njëjtat kushte si Certifikata Digjitale e BE-së”.
Kur kryeministri ynë propagandon me videot dhe shifrat me 1 milion vaksina, ende nuk ka asnjë shenjë nga BE për njohjen e certifikatës, ndonëse Shqipëria ishte ndër vendet e para në rajon që filloi fushatën e vaksinimit.
Përveç burokracirave, kjo sjell edhe kosto materiale pasi qytetarët tanë janë të detyruar të paguajnë teste anti-Covid kur udhëtojnë jashtë vendit./Gijotina.com
