Policia e Tiranës sapo ka njoftuar për një super “operacion” që ka zhvilluar ditën e sotme, ku i kanë dorëzuar portofolin që i kishte humbur një zonje.
Pasi kanë përfunduar me arrestimin e të gjithë kriminelëve dhe nuk ka mbetur më asgjë për të bërë, tani policia na njofton se një portofol i humbur ka shkuar tek i zoti.
Tiranë -Punonjësit e Komisariatit të Policisë Nr. 1 gjejnë dhe i dorëzojnë një shtetaseje, portofolin që i kishte humbur në rrugë.
Shërbimet e Komisariatit të Policisë Nr. 1, gjatë patrullimit në territor, në afërsi të shkollës “Kosova”, kanë gjetur në tokë, një portofol me një shumë parash, karta bankare dhe dokumente identifikimi të një shtetaseje.
Punonjësit e Policisë e kanë dorëzuar portofolin, në Komisariatin e Policisë Nr. 1, dhe pas verifikimeve të kryera është kontaktuar me shtetasen të cilës i kishte humbur portofoli.
Kjo shtetase është paraqitur në komisariat dhe ka falënderuar punonjësit e Policisë, për gjestin dhe korrektësinë e treguar.
Discussion about this post