‘Kur të duash mor burrë’, si ra në kurth trafikanti i drogës

Polikron Shabani, 40-vjeçari i vënë në pranga në kuadër të operacionit “Harta” pasi shpërndante drogë në shkolla është futur në kurth nga një i infiltruar.

Personi me emrin e koduar ‘Reno’ kërkon të blejë sasi të mëdha droge. Shabani tregohet i hapur dhe i thotë se kurdo që të dëshirojë, mund të siguronte sasinë e drogës që donte.

Reno: Ça bëre ore? Si të kam, u lodhe?

Polikron Shabani: Ça bone mirë?

Reno: Dola fiks besoj ee!

Polikron Shabani:….

Reno: Ça bëhet

Polikron Shabani: Asnji gjo

Reno: Ej po kshu me marr ndonjë sasi të madhe apo?

Polikron Shabani: Kur të dush mo burrë

Reno: Jo flas kshu

Grupi u shkatërrua dje. Pjesë e shpërndarjes në këtë aktivitet ishin edhe tre vajza, ku një prej tyre ndodhet në kërkim dhe rezulton sipas sistemit TIMS dhe është larguar në Itali më datë 14 mars. 24 persona të identifikuar ishin të shpërndarë në 11 zona të ndryshme të Tiranës, duke përfshirë këtu 28 lagje.

Të gjithë anëtarët e grupeve ndaheshin në nëngrupe të vogla me 2, 3 apo 4 anëtarë. Numrin më të lartë të shpërndarësve e kishin zonat e Bllokut, Kombinatit dhe Yzberishtit.

Të arrestuarsit: Fabian Qoku, 39 vjeç, Redi Lolaj, 22 vjeç, Eduard Hysa, 25 vjeç, Dorjano Çela, 31 vjeç, Enver Mehmeti, 60 vjeç, Fatbardh Bardhi, 37 vjeç, Martin Kuka, 35 vjeç, Marsel Gjona, 31 vjeç, Mariglen Hoxha, 39 vjeç, Muharrem Tarushi, 31 vjeç, Polikron Shabani, 40 vjeç, Erion Xhaxho, 47 vjeç, Altin Llani, 45 vjeç, Jurgen Hasamataj 32 vjeç, D.I 23 vjeç, A.XH, 51 vjeç, M. V., 44 vjeç, F. P., 25 vjeç, E. K., 35 vjeç, dhe J. H., 32 vjeç. Ata janë lënë në masën e sigurisë “arrest me burg”, deri në përfundim të gjykimit. Gjatë operacionit u sekuestruan në cilësinë e provës materiale 2 kilogramë e 120 gramë kokainë, 300 doza kanabis, 130 doza heroinë, shuma parash rreth 5 miljonë lekë të vjetra, 1700 euro, 11 automjete dhe 29 aparate celulare.