Kur të vërtetën e veshin me pantallona të shkurtra

Nga Luçiano Boçi

E vërteta pothuaj gjithmonë është gjendur në sulm.

Kjo pasi ajo ka armiqtë e vet, por dhe shfrytëzuesit.

Sulmet ndaj saj janë nga më të ndyshmet.

E kanë mohuar, mbuluar, e kanë devijuar, e kanë fshehur, e kanë mashtruar, e kanë varrosur shtatë pashë nën dhé, e kanë rrëmbyer me padëshirën e saj, duan madje ta dënojnë e megjithatë gjithmonë ia ka dalë të shfaqet e hirtë dhe e plotë.

Me pamjen e saj e kostumin e saj tipik.

Ajo nuk mund të asgjësohet.

Ka vetëm një mënyrë tinzare për ta zhvlerësuar, ta relativizuar e vdekur atë:

Ta shëmtosh duke e qesharakëzuar.

Dhe dje një tentativë e tillë u bë me historinë e PD dhe krijuesit e themeluesit e saj.

Dikush dje u mundua ta shëmtojë, ta relativizojë, ta sfumojë dhe ta rrëmbejë.

Thënë ndryshe i veshi TË VËRTETËS pantallona të shkurtra që bota të shqyhej gazit.

Fatmirësisht një pjesë e madhe e mbartësve të së VËRTETËS janë midis nesh dhe dje na e paraqitën atë sikurse ishte 33 vite më parë!

Lavdi TË VËRTETËS dhe përcjellësve të saj!