Në kohën kur në pushtet ishte qeveria Nano, ish-kryetar i Partisë socialiste dhe ish-kryeministër, “Lëvizja Mjaft” atëherë protestonte për rritjen e çmimit të energjisë elektrike nga qeveria e atëhershme.
Në foton e mëposhtme, shihet kryetari aktual i Bashkisë Tiranë Erion Veliaj, i cili ka qenë themelues i kësaj lëvizjeje si dhe Ministrja e Shtetit për Marrëdhëniet me Parlamentin Elisa Spiropali. Të dy mbajnë në duar pankartën shkruhet: Duam azil Elektrik.
Por siç duket “Mjaftistët” e atëhershëm nuk iu intereson më se çfarë po bëhet në ditët e sotme me energjinë elektrike. Veliaj dhe Spiropali që dikur protestonin për këtë kauzë, sot janë pjesë e qeverisë që ka paralajmëruar një krizë energjitike dhe ka shpallur emergjencën. Shumë qytetarë kanë dalë të protestojnë kundër rritjes së çmimeve dhe kanë paralajmëruar të njëjtën gjë për ditën e hënë.
