Policia e Kurbinit ka finalizuar operacionin “Zhejë”, ku në pranga ka rënë 24 vjeçari Ermandi Cima i shpallur në kërkim kombëtar dhe ndërkombëtar për vjedhje.
Gjykata e Rrethit Gjyqësor Kurbin i ka vendosur masën e sigurisë “Arrest në burg”, për veprat penale “Vjedhja” dhe “Vjedhja më shumë se njëherë, duke sjellë pasoja të rënda”.
Gjithashtu, ky shtetas ishte shpallur në kërkim ndërkombëtar, pasi Gjykata e Luksemburgut i ka vendosur masën e sigurisë “Arrest në burg” për veprën penale “Vjedhja, më shumë së një herë, duke sjellë pasoja të rënda”, kryer në bashkëpunim.
Gjatë kontrollit në automjetin tip “Benz” më të cilin po qarkullonte Cima u gjet një armë zjarri automatik me 2 krehra, një pistoletë dhe municion luftarak, të cilat u sekuestruan në cilësinë e provës materiale së bashku me automjetin.
Ndërkohë, dyshohet se i riu, para se të kapej, ishte përgatitur për të kryer një grabitje me armë zjarri, megjithatë hetimet për këtë pistë ende nuk kanë përfunduar.
