Kryeministri i Kosovës, Albin Kurti është takuar me Komisionerin për Zgjerim, Oliver Varheyli me të cilin ka biseduar për progresin e Kosovës në Marrëveshjen e Stabilizim-Asociimit, në kuadër të dialogut me Serbinë.
Kurti përmes një postimi në Twitter shprehet se BE nuk ka alternativë tjetër, veçse të mbajë premtimin ndaj Kosovës për liberalizimin e vizave, pasi sipas tij kjo e fundit i ka përmbushur kriteret e përcaktuara nga BE-ja.
shkruan se Kosova ka përmbushur kriteret për liberalizim të vizave dhe se beson që BE-ja do ta mbajë premtimin.
“E vlerësova diskutimin e sotëm me Oliver Varhelyi mbi progresin e Kosovës në Marrëveshjen e Stabilizim-Asociimit. Ne kemi përmbushur të gjitha kriteret për liberalizim të vizave dhe besojmë se BE-ja do ta mbajë premtimin. Integrimi në BE s’ka alternativë. “, shkruan Kurti.
Kryeministri i Kosovës gjithashtu nënvizon se Kosova është e motivuar në rrugën drejt reformave që do të rrisnin basgkëpunimin me BE-në.
“Ne jemi të motivuar për të vazhduar reformat tona transformuese në bashkëpunim të ngushtë me BE-në”, shkruan Kurti.
Kurti gjithashtu është takuar edhe me Përfaqësuesin e lartë të Bashkimit Evropian për Politikë të Jashtme, Josep Borrell, dhe përfaqësuesin special të BE-së për dialogun, Miroslav Lajçak. Në takim, sipas Qeverisë, Kurti rikonfirmoi gatishmërinë dhe përkushtimin e Qeverisë së Republikës së Kosovës për agjendën evropiane. Në fokus të takimit ishte edhe dialogu Kosovë-Serbi.
Discussion about this post