Në një dalje për mediat, kryeministri i Kosovës Albin Kurti ka komentuar deklaratën e kryeministres serbe, Brnabiç se Serbia s’e njeh Kosovën nëse e ka kusht anëtarësimin në BE.
Kurti u shpreh se s’ka zyrtarë në Bruksel që nuk e cilësojnë marrëveshjen Kosovë-Serbi si njohje reciproke.
“Së pari duhet ta keni parasysh që zyrtarët e lartë të Serbisë rregullisht nëpër forume i mohojnë krimet e kryera në Kosovë.
Së dyti është e qartë se tashmë dialogu me Serbinë nuk është i shtrirë në një proces që stërzgjatet ku premtohet njohja pas koncensioneve të Kosovës sic ka ndodhur por dialogu është i shtruar për një marrëveshje ligjërisht të obligueshme që në qendër e ka njohjen reciproke.
Ka zyrtarë në BE që e thonë më qartë këtë ka të tjerë që kanë rezerva por nuk ka zyrtarë në Bruksel të tillë të cilët nuk e kuptojnë dhe nuk e pranojnë që normalizimi i plotë padyshim që e nënkupton njohjen reciproke”, ka thënë ai.
Discussion about this post