Kurti i prerë: Policia do të qëndrojë në Veri përsa kohë do të ketë turma të dhunshme

Kryeministri i Kosovës, Albin Kurti, ka thënë se policia do të qëndrojë afër ndërtesave të komunave në veri përsa kohë ka turmë të dhunshme jashtë tyre. Në një intervistë për CNN, Kurti tha se policia po ruan ligjin dhe rendin atje.

“Policia duhet të jetë në cdo komunë në republikën tonë. Janë gjithsej 38 komuna. Po, për sa kohë të jetë një turmë e dhunshme jashtë ndërtesës, nuk mund të kemi vetëm pak policë. Më duhet të kemi policë që ruajnë rendin dhe ligjin. Komuna është për të gjithë, e jo vetëm për bandat kriminale”, shtoi ai.