Kancelari Olaf Scholz po zhvillon sot një vizitë në Prishtinë, nga ku ka dalë në një vizitë të përbashkët me kryeministrin Albin Kurti. Gjatë fjalës së tij në konferencë, Kurti e ka kaluar vëmendjen tek Bashkimi Europian, ku dhe i ka bërë me dije Scholz se Kosova është e gatshme të paraqesë një aplikim për statusin e vendit kandidat për në Bashkimin Europian në fund të këtij viti. Madje, në mënyrë të hapur Kurti i ka këruar atij që Gjermania të jetë një mbështjete për Kosovë në këtë hap që do të ndërmarrë.
“Një moment vendimtar për rajonin tonë dhe Europën. Pas agresionit rus në Ukrainë bota që njihnim para shkurtit ka ndryshuar. Në këtë kohë kancelari ka treguar vizion në mbrojtjen e vlerave dhe të drejtave civile të përbashkëta. Ne jemi të bashkuar nga njerëzit tanë. Mijëra ushtarë gjermanë ka shërbyer në Kosovë prej NATO-s dhe Gjermania është shtëpi e mbi 400 mijë kosovarëve. Kanë kaluar 23 vjet prej se Gjermania dhe 18 vendeve të tjera të NATO-së u bënë bashkë për të ndaluar gjenocidin serb. Jemi dy ditë larg ditës së çlirimit të Kosovës dhe të gjithëve na kujtohen pamjet e asaj kohe, kur pritëm ushtarët e NATO-s dhe ushtarëve gjermanë.
Bashkimi Europian llogariti se për rindërtimin e Kosovës duheshin mbi 4 miliardë euro. Gjermania ka luajtur rol të jashtëzakonshëm në rindërtimin e Kosovës dhe ndihmave humanitare. Sot e sigurova kancelarin se përkundër rrethanave të vështira socio-ekonomike qeveria jonë po vazhdon me reforma. Po punojmë për përmbushjen e reformave të nevojshme për përmbushjen e liberalizmit të vizave dhe integrimit europian. Po vazhdojmë edhe përgatitjen për aplikimin për statusin e vendit kandidat në fund të këtij viti”, tha Kurti. Më tutje ai ka folur edhe për dialogun me Serbinë, duke thënë se Kosova është e gatshme për të gjetur një zgjidhje.
Discussion about this post