Kurti jep sqarim për komentet në lidhje me Gjingjiç

Kryeminsitri Kurti ka folur për komentet e djeshme që shkaktuan shumë bujë për kryeministrin e vrarë serb Zoran Gjingjiç.

Kryeministri i vendit nuk u zmbraps nga komentet e tij duke thënë që ishte e rëndësishme të shënohej vrasja kriminale e ish-kryeministrit të Serbisë.

“Ai u vra nga eksponentë të krimit të organizuar që kanë kryer krime të luftës edhe në Kosovë. Tani, natyrisht do të kritikohem, mirëpo bindja ime e fuqishme është se në këtë përvjetor jubilar të kësaj vrasje politike dhe atentati ndaj një gjysmë demokracie që po lind në Serbi është dashur të shënohej. Nuk është hera e parë që e bëj këtë…”, u shpreh Kurti në fjalën e tij për këtë çështje.

Kurti gjatë ditës së djeshme i dha merita Gjingjiçit se gjatë vetëm gjatë qeverisë së tij në Serbi kishte pasur demokraci. Megjithatë, ai nuk i përmendi anët e errëta të biografisë së kryeministrit serb, sidomos në raport me Kosovën.

Nacionale