Pas takimit me dyer të mbyllura, presidentja e Komisionit Europian, Ursula von der Leyen dhe presidenti i Kosovës, Albin Kurti kanë dalë në një konferencë të përbashkët për shtyp.
Gjatë fjalës së tij, Kurti u ndal tek tensionet në veri, ku u shpreh se Serbia merr donacione nga BE-ja, por vazhdon të militarizohet nga Rusia e Kina
“Në pikat kufitare Bërnjak dhe Jarinje ne nuk kemi marrë ndonjë vendim të ri përveçse po e zbatojmë një dakordim të vjetër, fatkeqësisht Serbia u përgjigj me forcë duke grumbulluar forca ushtarake dhe mjete luftarake siç janë tanket dhe aeroplanët luftarakë të Rusisë. Fatkeqësisht ndodhemi në një situatë ku Serbia merr donacione nga BE-ja, dhe përkundër që i merr këto donacione pa zbatuar vlera do të duhej të demokratizohet e jo të militarizohet nga Rusia e Kina”.
Ndër të tjera, ai tha se sulmet në Zubin Potok janë pasojë e deklarata luftënxitëse të Vucicit.
“Unë kam kërkuar që të dënohen sulmet në Zubin Potok e Zveçan pasi këto sulme erdhën pas deklaratave luftënxitëse të presidentit të Serbisë dhe pas demonstrimeve luftarake në kufi me Kosovën”, tha ai.
Ditën e djeshme Von der Leyen ishte në Shqipëri, ku takoi presidentin Meta dhe kryeministrin Rama, gjatë konferencës me të cilin u diskutua për procesin e Rindërtimit, integrimin në BE dhe pandeminë.
