Kryeministri Albin Kurti, ka theksuar se Kosova nuk është duke e forcuar ushtrinë e saj për t’i sulmuar të tjerët, por për ta mbrojtur veten.
Këto komente ai i ka barë në ceremoninë e diplomimit të gjeneratës së klasës 2023 të Kadetëve të Qendrës për Studime Universitare të Forcës së Sigurisë së Kosovës.
“Diplomimi i sotëm nga Qendra Akademike Ushtarake na jep shpresë për të ardhmen dhe na bënë krenar për të kaluarën. Na kthen prapa në kohë në vitin 2009, të gjenerata e parë e FSK-së e diplomuar në këtë qendër por na kthen prapa edhe në vitin 1999 të gjenerata e parë e diplomuar së UÇK-së.
Ushtria jonë vazhdon të zhvillohet e të modernizohet duke kaluar nëpër etapa të tranzicionit, nuk kemi rresht së ndërtuar sistem të qëndrueshëm ushtarak.
Qendra për Studime Universitare e FSK-së ka ndërtuar imazhin e një institucioni të një edukimi ushtarak që nxjerr oficere që shkëlqejnë në edukimin pasues
Ne nuk e forcojmë ushtrinë për të sulmuar të tjerët, por për të qenë mjaftueshëm të fortë për të mbrojtur vetveten. Për një Kosovë më të drejtë, më të barabartë për të gjithë”, u shpreh Kurti.
Discussion about this post