Kryeministri i Kosovës, Albin Kurti, në një intervistë për gazetën britanike “The Telegraph” ka thënë se Serbia është duke kërcënuar me luftën e tretë ballkanike. Kurti ka akuzuar presidentin Vuçiç se po sillet si Gjermania mes dy luftërave botërore.
“Ata duan të sillen sikur të jenë Gjermania mes dy luftrave botërore: Nëse nuk do të na kënaqni, ne do ta shkaktojmë edhe një luftë tjetër. Sepse e kanë bërë një herë në vitet e 90-ta”, ka thënë Kurti.
Presidenti i Republikës së Kosovës shtoi se Serbia ka rritur tej mase shpenzimet për ushtrinë.
“Nëse i kontrolloni shifrat për shpenzimet ushtarake të shpenzuara në Serbi, të cilat vitet e fundit janë rritur në qiell. Për kë po i blejnë të gjitha këto? Fakti që po e them këtë me shumë qetësi, është sepse e kam parë teksa muaj e vite më parë”, shtoi ai. “Është një analizë racionale, jo emocionale”, ka thënë tutje Kurti.
Më herët, dhe prestigjiozja “The Economist” i ka kushtuar një artikull blerjes së armëve në Ballkan, ku sipas medias britanike, gjatë viteve 2015- 2021, shpenzimet e Serbisë në fushën e mbrojtjes janë rritur me rreth 70 për qind, dhe aktualisht janë 1.4 miliardë dollarë në vit.
Discussion about this post